ყარაბაღიდან წამოსული ეთნიკური სომხებისთვის თბილისში, სომხურ ეკლესიასთან საქართველოს სომეხთა ეპარქიის კულტურულ-საგანმანათლებლო და ახალგაზრდულ ცენტრ “ჰაიარტუნში” ჰუმანიტარულ დახმარებას აგროვებენ. ნებისმიერ ადამიანს შეუძლია, რომ ცენტრში მიიტანოს ტანსაცმელი ან ანგარიშზე გადარიცხოს თანხა. ორგანიზაციის წარმომადგენლები ამბობენ, რომ მათ გადაწყვიტეს ჰუმანიტარული დახმარების შეგროვება 27-28 სექტემბერს, როცა ყარაბაღიდან ეთნიკური სომხების დიდი ნაწილი სომხეთისკენ წამოვიდა. ქველმოქმედებაში გარდა ცენტრ “ჰაიარტუნისა” ჩართულია საქართველოს სომეხთა სათვისტომო და ფონდი “მიასინი”. ისინი ამბობენ, რომ როდესაც შეუგროვდებათ საკმარისი რაოდენობა ტანსაცმლისა და თანხის, თავად ჩავლენ ადგილზე და პირადად გადასცემენ. მათი თქმით, ეს ღონისძიება ერთჯერადი არ იქნება.
Search
