ილიას სახელმწიფო უნივერსიტეტში უკრაინულ-ქართული ლექსების კრებულის, სახელწოდებით „მარიუპოლის თეატრის სარდაფში ყოფილხარ, ღმერთო!“ წარდგენა გაიმართა.
კრებულში შევიდა ლექსები, რომლებიც რუსეთის მიერ უკრაინაში სრულმასშტაბიანი ომის დაწყების შემდეგ დაიწერა.
ქართველი პოეტების ლექსები უკრაინულად, უკრაინელი პოეტების კი ქართულად ითარგმნა.
ევრონიუს ჯორჯიას ეთერში ილიას სახელმწიფო უნივერსიტეტის პროფესორმა, ლექსიკოგრაფიისა და ენობრივი ტექნოლოგიების ცენტრის დირექტორმა თინათინ მარგალიტაძემ ისაუბრა.
