უკრაინის ოფიციალურმა პირებმა ქვეყნის დასავლეთით მდებარე დაწესებულებაში, სადაც დატყვევებული რუსი ჯარისკაცები ცხოვრობენ, ჟურნალისტებისთვის მედიატური მოაწყვეს.
კიევი ცდილობს, საზოგადოებას აჩვენოს, რომ, რუსეთის ხელისუფლებისგან განსხვავებით, რუსი სამხედრო ტყვეების მიმართ მეტ ჰუმანურობას იჩენს.
თუმცა, როგორც გაეროს უფლებათა კომისარმა მარტში განაცხადა, არსებობდა მტკიცებულება, რომ ორივე მხარე ძალადობდა ტყვეებზე.
უკრაინის სუვერენული ტერიტორიის დაბომბვა გრძელდება. ეს სახლი რუსეთის მიერ ოკუპირებულ დონეცკში უკრაინის საჰაერო იერიშის შედეგად დაინგრა.
რუსული ძალების ინფორმაციით, ბოლო 24 საათის განმავლობაში უკრაინელებმა 44 საჰაერო იერიში მიიტანეს. კიევი კი იუწყება, რომ რუსეთი ბომბავს საცხოვრებელ შენობებს, საავადმყოფოებსა და სამოქალაქო ინფრასტრუქტურას.
რუსული სარაკეტო დარტყმის შედეგად მიყენებული ზიანის აღსადგენად ქალაქ ხერსონის მოსახლეობამ არატრადიციული, თუმცა პრაქტიკული გადაწყვეტილება მიიღო და ძვირადღირებული და მყიფე მინის გამოცვლის ნაცვლად, ვინილის ფანჯრებს ამონტაჟებს.
ასეთი ფანჯრები გამძლეცაა და ხელმისაწვდომიც, რაც ადგილობრივებს საშუალებას აძლევს, აღადგინონ თავიანთი სახლები.
