ათობით ადამიანი დაშავდა მთიან ყარაბაღში, სტეფანაკერტთან მომხდარი ძლიერი აფეთქების შედეგად. არცახის თვითგამოცხადებული რესპუბლიკის ე.წ. შინაგან საქმეთა სამინისტროს პრესსპიკერი წერს სოციალურ ქსელში, რომ დაღუპულია ათობით პირი, თუმცა ამ ინფორმაციას ჯერჯერობით არ ადასტურებენ ერევანში.
ადგილობრივი მედიის ცნობით, აფეთქდა საწვავის ავზი. მისივე თქმით, ადგილობრივი სამედიცინო სამსახურები გაძლიერებულ რეჟიმში მუშაობენ.
სოციალურ ქსელში პოსტი გამოაქვეყნა მთიანი ყარაბაღის ე.წ. ომბუდსმენმაც. გეგჰამ სტეფანიანი წერს, რომ ასობით პირია მძიმედ დაშავებული. მისივე ინფორმაციით, აუცილებელია მათი სასწრაფოდ გაყვანა რეგიონიდან საჰაერო ხომალდებით.
ჯერჯერობით უცნობია, თუ რამ გამოიწვია საწვავის ავზის აფეთქება მთიან ყარაბაღში.
