ჩინეთის მოქალაქეებს საქართველოში ჩამოსვლა უვიზოდ შეეძლებათ – ამის შესახებ დღეს განცხადება საქართველოს პრემიერ-მინისტრმა ირაკლი ღარიბაშვილმა მთავრობის სხდომაზე გააკეთა. მან ცვლილებას დღეს მოაწერა ხელი და თქვა, რომ ეს გადაწყვეტილება უფრო მეტ ტურისტს ჩამოიყვანს საქართველოში.
საქართველოს პრემიერ-მინისტრის განმარტებით, ტურისტები ჩინეთიდან ერთ-ერთი ყველაზე სასურველი ტურისტები არიან ევროპაში, ამერიკაში და ზოგადად ყველგან.
ჯერჯერობით უცნობია როდიდან შეძლებენ ჩინეთის მოქალაქეები საქართველოში უვიზოდ ჩამოსვლას და რამდენი ხნის განმავლობაში შეეძლებათ მათ ქვეყანაში დარჩენა.
პრემიერ-მინისტრს დღეს არაფერი უთქვამს საქართველოს მოქალაქეების ჩინეთში უვიზოდ მიმოსვლის შესახებ. ამ დროისთვის საქართველოს მოქალაქეებს ჩინეთში სამოგზაუროდ აუცილებლად სჭირდებათ ვიზა.
