რომის პაპს ფრანცისკეს რომში, ჯემელის სახელობის საავადმყოფოში, ოპერაცია ჩაუტარდა. ამჟამად იგი თავს კარგად გრძნობს. ვატიკანმა მისი ჯანმრთელობის შესახებ ინფორმაცია გაავრცელა.
86 წლის პაპს მუცლის თიაქარი აქვს, მას მოვლითი ტკივილები და გაუარესებული სიმპტომები აღენიშნებოდა, ამიტომ ექიმებმა მისთვის ოპერაციის გაკეთება გადაწყვიტეს.
მორწმუნეთა მცირე ჯგუფი ჯემელის საავადმყოფოში შუადღისას მივიდა. მათ იმედი ჰქონდათ, რომ პაპს დაინახავდნენ, თუმცა პაპი ფრანცისკე არ გამოჩენილა. მორწმუნეები საავადმყოფოს ეზოში მისი ჯანმრთელობისთვის ლოცულობდნენ.
ვატიკანის სპიკერის თქმით, რომის პაპი ლოცვას კერძო საავადმყოფოს პატარა სამლოცველოში აღავლენს. თუ როდის დატოვებს რომის პაპი საავადმყოფოს, ჯერჯერობით უცნობია.
