ბრაზილიის ოფიციალურმა პირებმა წუთიერი დუმილით პატივი მიაგეს საბავშვო ბაღში მომხდარი თავდასხმის შედეგად გარდაცვლილთა ხნოვნას. როგორც ცნობილია, ნაჯახით შეიარაღებულმა მამაკაცმა 4 ბავშვი დახოცა.
სანტა-კატარინას შტატის პოლიციის უფროსის ულისის გაბრიელის თქმით, თავდამსხმელი 25 წლის ლუიშ ენრიკე დე ლიმაა, რომელიც წარმოშობით ქალაქ სალტუ-დუ-ლონტრიდანაა. მას 2009 წლიდან აქვს სანტა-კატარინას შტატის მიერ გაცემული პირადობის მოწმობა. დამნაშავეს არაერთხელ ჰქონია პრობლემა პოლიციასთან და კანონთან.
ქალაქ ბლუმენაუში მომხდარი თავდასხმის შედეგად დაიღუპა 3 ბიჭი და ერთი გოგო, რომლებიც საბავშვო ბაღის მოედანზე თამაშობდნენ. მათი ასაკი 4-იდან 7 წლამდეა. დაშავებულია კიდევ 5 ბავშვი.
შემთხვევის დროს საბავშვო ბაღის მთავარ შენობაში 40-ამდე ბავშვი იმყოფებოდა. თავდამსხმელი კედელზე გადაძვრა და შენობაში შეიჭრა. მოგვიანებით დამნაშავე პოლიციას ჩაბარდა. შტატის გუბერნატორმა 3-დღიანი გლოვა გამოაცხადა.
