საბჭოთა ოკუპაციის დღესთან დაკავშირებით, მთავრობის ადმინისტრაციის წინ აქცია გაიმართა. კანცელარიასთან მოქალაქეებმა კრემლის მაკეტი მიიტანეს და დაამსხვრიეს.
აქცია-პერფორმანსი ევროპული საქართველოს, თავისუფლების ინსტიტუტის, ამომრჩეველთა განათლების საზოგადოებისა და „ტაბულას“ ინიციატივით მოეწყო.
102 წლის წინ, 1921 წლის 25 თებერვალს, საქართველოს დემოკრატიული რესპუბლიკის დედაქალაქში საბჭოთა რუსეთის წითელი არმია შემოვიდა და ეს დღე საბჭოთა ოკუპაციის სიმბოლოდ იქცა.
