კუბიდან შეერთებულ შტატებში მიგრაცია კიდევ უფრო გაიზარდა.
მიმდინარე კვირაში ფლორიდაში, კეისის სანაპიროზე 500-ზე მეტი კუბელი მიგრანტი გადავიდა.
მათი უმეტესობა კუბაში არსებულ კომუნისტურ რეჟიმს და იქ არსებულ სიდუხჭირეს გაურბის. ახალი მიგრანტები, მათთვის სპეციალურად განკუთვნილ დროებით ტერიტორიაზე ჰყავთ მესაზღვრეებს განთავსებული.
კარვებში მცხოვრები მიგრანტების ბედი ჯერ გაურკვეველია. თუმცა, მათ იმდენად მძიმე პირობებში უწევთ ამერიკის შეერთებული შტატების სანაპირომდე მიღწევა, რომ მათი უკან გაბრუნების შანსი ნაკლებია.
სავარაუდოდ ამერიკის საემიგრაციო სამსახური, მათ ქვეყანაში დარჩენის საშუალებას მისცემს.
