15-16 დეკემბერს თბილისში, პირველად იმართება ევროინტეგრაციის საკითხებთან დაკავშირებული კონსულტაციები, საქართველოსა და ალბანეთის, მონტენეგროს, სერბეთისა და ჩრდილოეთ მაკედონიის, საგარეო და ევროპულ საქმეთა სამინისტროების მაღალი რანგის დიპლომატებს შორის.
დასავლეთ ბალკანეთის ქვეყნებთან სხვადასხვა დონეზე კონსულტაციების ფორმატების ჩამოყალიბება წარმოადგენს საგარეო საქმეთა სამინისტროს ინიციატივას, რომელიც მოჰყვა ევროპული საბჭოს მიერ საქართველოსთვის ევროკავშირის წევრობის პერსპექტივის მინიჭებას.
კონსულტაციების მთავარი მიზანია, ევროინტეგრაციის პროცესში დაგროვილი გამოცდილების გაზიარება.
