კენიის ჯომო კენიატას საერთაშორისო აეროპორტში კენიის ავიახაზების პილოტები გაიფიცნენ. აეროპორტში ასობით მგზავრია, რომლებიც დანიშნულების ადგილამდე ჩასვლას ვერ ახერხებს. გაფიცვამ კენიის ყველაზე დიდი ავიახაზებისა და აეროპორტის პარალიზება გამოიწვია.
მგზავრები იძულებული გახდნენ, გასამგზავრებლად ალტერნატიული გზები მოეძებნათ. ზოგიერთი უკვე ოთხ დღეზე მეტია, რაც აეროპორტში რჩება.
მგზავრებმა ჯერ კიდევ არ იციან, როგორ მიაღწევენ დანიშნულების ადგილამდე.
