რუსეთის თავდაცვის სამინისტრო ავრცელებს კადრებს, რომლებშიც, როგორც აცხადებენ, აღბეჭდილია უკრაინელების მიერ კახოვკის ჰიდროელექტროსადგურის დაბომბვის შედეგები. ბოლო ინფორმაციით, 6-დან 3 ტურბინა გათიშულია.
ელექტროენერგიის მომარაგების შეფერხებამ კი შესაძლოა ზაპორიჟიის ატომური ელექტროსადგურის რეაქტორების გაგრილების სისტემაზე უარყოფითი გავლენა იქონიოს.
უკრაინული და რუსული მხარეები თავდასხმებში კვლავინდებურად ერთმანეთს ადანაშაულებენ. მოქალაქეები, რომლებიც ატომური ელექტროსადგურის მახლობლად ცხოვრობენ, ჩერნობილის კატასტროფას იხსენებენ.
ადგილობრივებმა არ იციან, რითი დამთავრდება შექმნილი ვითარება.
მოსახლეობა შეშფოთებულია, რადგან ატომური ელექტროსადგური მათთან ძალიან ახლოსაა. იქ მცხოვრებნი ფიქრობენ, რომ რადიაცია მაშინვე მათ მხარეს წამოვა და წყალზეც აისახება.
უკრაინის პრეზიდენტს ვოლომიდირ ზელენსკის მიაჩნია, რომ ის რუსები, რომლებიც ომის წინააღმდეგ არ გამოდიან, დანაშაულის თანამონაწილენი არიან. მისი თქმით, ყველას ხმა, სადაც არ უნდა იყოს ადამიანი, რუსეთის ტერიტორიაზე თუ მის საზღვრებს გარეთ, უკრაინის მხარდასაჭერად და ომის საწინააღმდეგოდ უნდა ისმოდეს.
ეთიოპიისთვის განკუთვნილი ხორბლით დატვირთულმა პირველმა გემმა კი შავი ზღვის ოდესის პორტი დატოვა. გემს 23 000 ტონა მარცვლეული გადააქვს. ეთიოპია ერთ-ერთია იმ ხუთი ქვეყნიდან, რომლებსაც შიმშილი ემუქრებათ.
