ბორის ჯონსონი დიდი ბრიტანეთის პრემიერ-მინისტრის მოვალეობის შესრულებას 6 სექტემბრამდე შეძლებს.
კონსერვატიული პარტიის ლიდერების შეთანხმებული დღის წესრიგით, 1 სექტემბრისთვის ცნობილი გახდება, თუ ვინ იქნება ქვეყნის ახალი პრემიერ- მინისტრი.
კენჭისყრა ოთხშაბათს იწყება. პრემიერ-მინისტრობის 11 კანდიდატს 20 დეპუტატი დაუჭერს მხარს. მათ უნდა აირჩიონ ორი კანდიდატი. საბოლოო გადაწყვეტილებას კი კონსერვატიული პარტიის ძირითადი წევრები მიიღებენ. ბორის ჯონსონი არ ამხელს, რომელ კანდიდატს დაუჭერს მხარს.
„პრემიერ-მინისტრის კონსტიტუციური ფუნქცია ამ სიტუაციაში მანდატის გაგრძელებაა. და მე ამას ვაპირებ“,- განაცხადა ბორის ჯონსონმა.
გასულ კვირას ბორის ჯონსონი იძულებული გახდა, გადამდგარიყო.
ცნობილია, რომ რამდენიმე მინისტრმა თანამდებობა დატოვა ჯონსონის პირად და პროფესიულ საქციელთან დაკავშირებული სკანდალების გამო.
