26 მაისი საქართველოს დამოუკიდებლობის დღეა. წელს დამოუკიდებლობის დღის სლოგანია: „ევროპისკენ“.
“ევრონიუს ჯორჯიამ” თბილისში, რუსთაველის გამზირზე მოქალაქებს ჰკითხა, თუ რა განწყობით ხვდებიან ისინი წელს დამოუკიდებლობის დღეს.
დამოუკიდებლობის დღეს საზეიმოდ აღნიშნავენ თბილისსა და საქართველოს კიდევ 15 ქალაქში, სადაც კონცერტების და გამოფენების გარდა, წარმოდგენილია საქართველოს შეიარაღებული ძალების სამხედრო ტექნიკა.
