ბერლინში გაიმართა კონცერტი, რომელიც მშვიდობასა და თავისუფლებას მიეძღვნა. უკრაინისადმი სოლიდარობის საღამო ბერლინის ფილარმონიაში ჩატარდა დოიჩე სიმფონიურ ორკესტრთან ერთად.
კონცერტის ინიციატორი იყო პლანეტის საუკეთესო მევიოლინედ აღიარებული, ქართველი მუსიკოსი ლიზა ბათიაშვილი. მასთან ერთად, სცენაზე, მსოფლიოს უდიდესი ვარსკვლავები იდგნენ.
„დღეს ყველა ჩვენგანი უკრაინელია, რადგან სწორედ უკრაინელები ასწავლიან ყველას, თუ რას ნიშნავს იყო ნამდვილი ევროპელი“, – დაწერა ფეისბუკზე ლიზა ბათიაშვილმა, კონცერტის შემდეგ.
