თბილისის საქალაქო სასამართლოში დღეს, 9 ივნისს, ბუტა რობაქიძის საქმეზე ყოფილი შინაგან საქმეთა მინისტრის ირაკლი ოქრუაშვილისა და ყოფილი გენერალური პროკურორის ზურაბ ადეიშვილის სასამართლო პროცესი გაიმართება.
ორივე მათგანს 16 წლის წინანდელ საქმესთან დაკავშირებით სამსახურებრივი უფლებამოსილების ბოროტად გამოყენებას ედავებიან.
ირაკლი ოქრუაშვილს ბრალი 2020 წლის 19 ნოემბერს წაუყენეს და 22 ნოემბერს წინასწარი პატიმრობაც შეუფარდეს.
ამ დროს ის 20 ივნისის მოვლენების გამო – ჯგუფური ძალადობის ორგანიზებისა და მასში მონაწილეობის ბრალდებით იყო დაკავებული.
