დღეს, 25 მაისს, პარლამენტში საარჩევნო კოდექსში შესატანი ცვლილებების პირველი მოსმენა გაიმართება.
კანონპროექტი რეკომენდაციებისთვის უკვე გაეგზავნა ვენეციის კომისიას, თუმცა საკანონმდებლო ორგანო მას დღეს მაინც განიხილავს.
მმართველ პარტიაში ამბობენ, რომ კანონპროექტი პირველი მოსმენისთანავე დამტკიცდება. ოპოზიციის წარმომადგენლები პროექტს აკრიტიკებენ, მათ კონკრეტული შენიშვნები აქვთ. მათ შორისაა ის, რომ კანონპროექტში არ არის ასახული ამომრჩეველთა იდენტიფიცირებისა და ხმების დათვლის ელექტრონული სისტემების დანერგვის მექანიზმები.
