თბილისის საქალაქო სასამართლოში დღეს, 25 მაისს, „ერთიანი ნაციონალური მოძრაობის“ თავმჯდომარის ნიკა მელიას სასამართლო პროცესი გაიმართება.
წინა სასამართლო პროცესი დაცვის მხარის შუამდგომლობით გადაიდო. ნიკა მელიას აღკვეთის ღონისძიების სახით პატიმრობა გირაოთი აქვს შეცვლილი, გირაოს თანხა – 40 000 ლარი „ევროპულმა ფონდმა დემოკრატიისთვის“ გამოყო და ხელისუფლებას საქართველოს ახალგაზრდა იურისტთა ასოციაციის დახმარებით გადასცა.
ნიკა მელიას ბრალად ედება 20 ივნისის საქმეზე ჯგუფური ძალადობის ორგანიზება და მისი ხელმძღვანელობა.
