პოლიტიკურ კრიზისთან დაკავშირებით ერთობლივ განცხადებას აქვეყნებს 40 არასამთავრობო ორგანიზაცია. სამოქალაქო საზოგადოება პოლიტიკური დიალოგის განახლებას ეხმაურება და ამ პროცესებში ევროპელი პარტნიორების აქტიურ ჩართულობას მიესალმება. არასამთავრობო ორგანიზაციების წარმომადგენლები ამ განცხადებაში კრიზისიდან გამოსვლის მიზნით გადასადგმელ რამდენიმე ნაბიჯზეც საუბრობენ. მათ შორისაა, სიტუაციის განმუხტვის მიზნით გათავისუფლდეს “ნაციონალური მოძრაობის” თავმჯდომარე ნიკა მელია, გატარდეს რეალური საარჩევნო რეფორმა, გაძლიერდეს პარლამენტის საზედამხედვლო ფუნქცია და ოპოზიციას პოლიტიკურ პროცესზე გავლენის გარკვეული ბერკეტები გადაეცეს, გადაიდგას ნაბიჯები მართლმსაჯულების სისტემის დამოუკიდებლობის მიმართულებით და ჩატარდეს ანტიკორუფციული რეფორმა.
Search
