კატეგორიები

სანდრო მამუკელაშვილის ორმაგი დუბლი და “სეტონ ჰოლის” გამარჯვება

სანდრო მამუკელაშვილის ორმაგი დუბლი და “სეტონ ჰოლის” გამარჯვება

აშშ-ის კოლეჯთა ჩემპიონატში (NCAA) “სეტონ ჰოლმა” ზედიზედ მესამე გამარჯვება მოიპოვა. ამჯერად გუნდმა “მარკეტი” 57:52 დაამარცხა და ჩემპიონშიპში საგზურის მოსაპოვებლად თამაშს განაგრძობს.

“სეტონ ჰოლის” ქართველმა ლიდერმა, სანდრო მამუკელაშვილმა ორმაგი დუბლი გაიფორმა. 21 წლის მძიმე ფორვარდმა 11 ქულას, 10 მოხსნასა და 3 შედეგიან გადაცემას მოუყარა თავი.

სანდრო მამუკელაშვილი ნეისმიტისა და კარლ მელოუნის ჯილდოების ნომინანტთა შორისაა. ნეისმიტის ჯილდოს კოლეჯთა წლის საუკეთესო მოთამაშე იმსახურებს, კარლ მელოუნის ჯილდო კი საუკეთესო მძიმე ფორვარდის ხვედრია.

აშშ-ის საკოლეჯო თამაშების გამო მამუკელაშვილი საქართველოს ნაკრებს სერბეთისა და ფინეთის წინააღმდეგ მატჩებში ვერ დაეხმარება.

გიორგი სანაძე

დაკავშირებული ამბები
ევროკავშირი საქართველოსთან დაკავშირებით ახალი ზომების მიღებას განიხილავს საქართველოს დამოუკიდებლობის დღე ზეიმისა და პროტესტის ფონზე
სხვა ამბები