„დაჭრილ მებრძოლთა თანადგომის ფონდმა“ კიდევ ერთი წელი შეაჯამა – ასობით ათასი ლარი შეგროვდა მათთვის, ვინც მძიმედ დაშავდა საქართველოს ტერიტორიული მთლიანობისა და უკეთესი მომავლისთვის ბრძოლაში.
2025 წელს ფონდისგან დახმარება 160-მა ბენეფიციარმა მიიღო. 489 000 ლარით დაფინანსდა 63 სამხედრო მოსამსახურე, 97 ვეტერანს კი, „დაჭრილ მებრძოლთა თანადგომის ფონდი“ 346 000 ლარით დაეხმარა. ამ თანხით დაიფარა ოპერაციების, მედიკამენტების, სამედიცინო კვლევებისა თუ დაჭრილ მებრძოლთა ოჯახების მხარდაჭერისთვის გაწეული ხარჯები.
