„ქუთაისი 2010“ ზედიზედ მეორე სეზონია ევროტურნირზე ასპარეზობს. კოტე ტუღუშის გუნდმა ჩემპიონთა ლიგის საკვალიფიკაციო ეტაპზე იასპარეზა, თუმცა დანიის ჩემპიონთან, „ბაკენ ბეარსთან“, დაძაბულ ბრძოლაში დამარცხდა და ფიბა ევროპის თასის ჯგუფურ ეტაპზე გადაინაცვლა.
ფიბა ევროპის თასის ჯგუფური ეტაპის პირველ მატჩში საქართველოს ჩემპიონმა ჩეხურ „ბრნოს“ უმასპინძლა და 66:84 დამარცხდა.
„ქუთაისიდან“ ყველაზე შედეგიანი 18 ქულით ნიკოლოზ დარბაიძე იყო, დეტრეკ ბრაუნინგმა კი 16 ქულა ჩააგდო. „ბრნოს“ ლეგიონერმა, ჯეიკობ გროუვსმა 33 ქულა ჩააგდო.
„ქუთაისი 2010“ მომდევნო მატჩს ევროტურნირზე გამართავს 22 ოქტომბერს ბერძნულ „პერისტერისთან“ სტუმრად, რომელმაც პირველ ტურში ესპანური „ბილბაო“ დაამარცხა.
