მსოფლიო ჩემპიონატის საკვალიფიკაციო ჯგუფური ეტაპის მე-4 შეხვედრაში საქართველოს ეროვნული საფეხბურთო ნაკრები თურქეთის წინააღმდეგ 4:1 დამარცხდა.
4 ტურის შემდეგ E ჯგუფში საქართველო 3 ქულით მესამე ადგილზეა, მეორე ადგილს 9 ქულით თურქეთი იკავებს, პირველ ადგილზე ესპანეთია 12 ქულით, ხოლო ბულგარეთის ეროვნული ნაკრები 0 ქულით ბოლო ადგილზეა.
საქართველოს ნაკრების კარში პირველი გოლი მე-14 წუთზე „იუვენტუსის” შემტევმა ქენან ილდიზმა გაიტანა, მეორე გოლი 22-ე წუთზე მერიჰ დემირალმა შეაგდო, ხოლო პირველ ტაიმში თურქების უპირატესობა 3-მდე იუნუს აკგუნმა გაზარდა. მეორე ტაიმში 52-ე წუთზე მერიჰ დემირალმა დუბლი შეასრულა, ხოლო 64-ე წუთზე კი გიორგი ქოჩორაშვილის გოლით ანგარიში 4:1 გახდა.
შემდეგ მატჩს ვილი სანიოლის შეგირდები ესპანეთის წინააღმდეგ 15 ნოემბერს დინამო არენაზე გამართავენ. ხოლო ჯგუფის დასკვნით თამაშს კი ეროვნული ნაკრები 18 ნოემბერს ბულგარეთის ნაკრების წინააღმდეგ ჩაატარებს.
