პოლონეთის შეიარაღებული ძალების ცნობით, ჩამოაგდეს რუსული დრონები, რომლებმაც ქვეყნის საჰაერო სივრცე საზღვართან ახლოს უკრაინის რეგიონებზე თავდასხმის დროს დაარღვიეს.
შემთხვევის გამო პოლონეთმა ოთხი აეროპორტი, მათ შორის ვარშავაში მდებარე ყველა დიდი აეროპორტი, დახურა. მედიის ინფორმაციით, დაიხურა ვარშავაში მდებარე ორი აეროპორტი – შოპენისა და ვარშავის მოდლინის აეროპორტები.
ვარშავამ პოლონეთისა და NATO-ს თვითმფრინავები მზადყოფნაში მოიყვანა და პოლონეთის საჰაერო სივრცეში დრონებით ნეიტრალიზების მიზნით ოპერაცია დაიწყო.
Poinformowałem Sekretarza Generalnego NATO o aktualnej sytuacji i działaniach, jakie podjęliśmy wobec obiektów, które naruszyły naszą przestrzeń powietrzną. Jesteśmy w stałym kontakcie.
— Donald Tusk (@donaldtusk) September 10, 2025
პოლონეთის თავდაცვის მინისტრმა დაადასტურა, რომ რუსული დრონი ჩამოგდებულია და ახლა ნამსხვრევების ძებნა მიმდინარეობს. ადგილზე იმყოფება პოლონეთის პრემიერ-მინისტრი დონალდ ტუსკიც.
ოფიციალური პირების მიერ სოციალურ პლატფორმა X-ზე გამოქვეყნებულ განცხადებაში ნათქვამია, რომ რუსული დრონები პოლონეთის მოქალაქეებისთვის რეალურ საფრთხეს წარმოადგენდა.
