საქართველოს ეროვნული ლიგის ჩემპიონმა „იბერია 1999-მა” ჩემპიონთა ლიგის საკვალიფიკაციო ეტაპის პირველ რაუნდში შვედეთის ჩემპიონის, „მალმეს”, წინააღმდეგ იასპარეზა.
განმეორებითი მატჩი, რომელიც მალმეში, „ელედა სტადიონზე” გაიმართა, შვედური გუნდის გამარჯვებით, ანგარიშით 3:1, დასრულდა.
ევროტურნირზე სადებიუტო გოლი „იბერიას” ახალგაზრდა შემტევმა ამირან ძაგანიამ გაიტანა.
„იბერია 1999” გადაინაცვლებს უეფას კონფერენს ლიგის საკვალიფიკაციო ეტაპზე, სადაც ესტონურ „ლევადიას” დაუპირისპირდება. ქართულ-ესტონური გუნდების მატჩები 24 და 31 ივლისს გაიმართება.
