ინდოეთის დასავლეთით მდებარე ქალაქ აჰმედაბადთან ავიაკატასტროფა მოხდა. ავიაკომპანია Air India-ს „ბოინგი“ რეისს ლონდონის მიმართულებით ასრულებდა. ადგილობრივი მედიის ცნობით, ბორტი, რომელზეც 242 პირი იმყოფებოდა, აფრენიდან მალევე, დასახლებულ პუნქტთან ჩამოვარდა.
ამ დრომდე მიმდინარეობს ძებნა-შველის ოპერაცია. ადგილობრივი პოლიციის ინფორმაციით, ნაპოვნია 204-ი ცხედარი. რეისი, რომელიც ლონდონის მიმართულებით მიფრინავდა, აფრენისთანავე ჩამოვარდა და დასახლებულ პუნქტში, შენობებს დაეცა. ჯერ-ჯერობით უცნობია, რამდენი ადამიანი შეიწირა შემთხვევამ, თუმცა ოფიციალური პირები ვარაუდობენ, რომ მსხვერპლი ძალიან დიდია. ბრიტანეთმა და ინდოეთმა ერთობლივი საკოორდინაციო ჯგუფიც შექმნეს, რომელიც დაზარალებულებს დაეხმარება. ავიაკატასტროფის გამომწვევი მიზეზების დასადგენად მიმდინარეობს გამოძიებაც. მგზავრებს შორის იყვენ ინდოეთის, ბრიტანეთის, პორტუგალიისა და კანადის მოქალაქეები. როგორც საერთაშორისო მედია წერს, ბორტზე მყოფ მგზავრთაგან მხოლოდ ერთი პირი გადარჩა. ის 40 წლის ვიშვაშ კუმარ რამეშია. მედიასთან გაკეთებულ განცხადებაში ის ამბობს, რომ აფრენიდან 30 წამის შემდეგ ძლიერი ხმა მოესმა, შემდეგ კი თვითმფრინავი ჩამოვარდა.
