პოლონეთის სეიმმა ნდობა გამოუცხადა პრემიერ-მინისტრ დონალდ ტუსკის მთავრობას. 460-ადგილიან პარლამენტში გადაწყვეტილებას მხარი 243-მა დეპუტატმა დაუჭირა, წინააღმდეგი იყო 210. დონალდ ტუსკმა ნდობის კენჭისყრა მას შემდეგ წამოიწყო, რაც 1 ივნისს გამართულ საპრეზიდენტო არჩევნების მეორე ტურში მმართველი ბლოკის კანდიდატი დამარცხდა, არჩევნებში გამარჯვება მოიპოვა კაროლ ნავროცკიმ, ოპოზიციური, მემარჯვენე-კონსერვატიული პარტია “კანონი და სამართლიანობის” კანდიდატმა. შედეგების გამოქვეყნების შემდეგ, ტუსკმა აღნიშნა, რომ პოლონეთი ახალ რეალობაში შედის და ქვეყანას ახალი დასაწყისი სჭირდება.
