საქართველოს საფეხბურთო ნაკრებმა ამხანაგურ მატჩში ფარერის კუნძულები ანგარიშით 1:0 დაამარცხა. მატჩში გატანილი ერთადერთი გოლის ავტორი ლუკა ლოჩოშვილი გახდა, მან საქართველოს ნაკრები მეცხრე წუთზე დააწინაურა.
შემდეგ ამხანაგურ მატჩს საქართველოს ნაკრები კაბო–ვერდესთან 8 ივნისს გამართავს. მატჩის წინ ეროვნული გუნდიდან საზეიმოდ გააცილეს მეკარე გიორგი ლორია. ეს მისთვის 79-ე სანაკრებო მატჩი იყო.
ლორიას სამახსოვრო, 79-ნომრიანი მაისური გადასცა საქართველოს ფეხბურთის ფედერაციის ვიცე-პრეზიდენტმა, ალექსანდრე იაშვილმა.
