პოლონეთის პარლამენტმა გაახანგრძლივა კანონმდებლობა, რომელიც ბელარუსიდან შემომსვლელი მიგრანტებისთვის თავშესაფრის მოთხოვნის უფლებას დროებით აჩერებს.
პოლონეთის პრემიერ-მინისტრმა დონალდ ტუსკმა კანონმდებლობის გახანგრძლივების აუცილებლობა ეროვნული უსაფრთხოების არგუმენტით დაასაბუთა.
ის და მისი მთავრობა ამტკიცებენ, რომ მოსკოვი და მინსკი მიგრანტებს ევროპის დესტაბილიზაციისთვის იყენებენ.
„ლუკაშენკა და ასევე პუტინი კონტრაბანდისტების დახმარებით ათასობით უკანონო მიგრანტს აგროვებენ. ისინი მათ აგროვებენ პოლონეთის, ფინეთის, ლიეტუვისა და ლატვიის საზღვრებთან. ეს მათთვის ჰიბრიდული ომის სერიოზული იარაღია“, – ამბობს პოლონეთის პრემიერ-მინისტრი დონალდ ტუსკი.
კანონმდებლობას აკრიტიკებენ ადამიანის უფლებადამცველი ჯგუფები, რომლებიც ამტკიცებენ, რომ ის არც საერთაშორისო და არც ევროპული თავშესაფრის შესახებ კანონს არ შეესაბამება.
უფლებადამცველი ჯგუფების შეფასებით, 2021 წლიდან პოლონეთ-ბელარუსის საზღვარზე ასობით ადამიანი დაიღუპა, ხოლო ათასობით ადამიანი კი პოლონელი მესაზღვრეების მხრიდან ძალადობრივ მოპყრობას განიცდიდა.
