ოქსფორდის უნივერსიტეტის კეთილდღეობის კვლევითმა ცენტრმა თავისი წლიური ანგარიში გამოაქვეყნა. მექსიკა პირველად მოხვდა მსოფლიოს 10 ყველაზე ბედნიერ ქვეყანას შორის.
მიუხედავად იმისა, რომ ქვეყანაში ძალადობის დონე მაღალია, ლათინური ამერიკის ეს ქვეყანა 2025 წლის ანგარიშში მე-10 ადგილს იკავებს.
ფინეთმა ზედიზედ მერვედ დაიკავა პირველი ადგილი, სხვა სკანდინავიური ქვეყნებიც კვლავ რეიტინგის სათავეში არიან.
ანგარიში, რომელიც 2012 წლიდან ქვეყნდება, მომზადებულია ანალიტიკურ კომპანია Gallup-სა და გაეროს მდგრადი განვითარების მიზნების ფონდთან თანამშრომლობით.
მკვლევრების თქმით, ჯანმრთელობისა და მატერიალური კეთილდღეობის გარდა ბედნიერების განმსაზღვრელია სხვა ფაქტორებიც, მაგალითად, ერთობლივად საკვების მიღება, სოციალური მხარდაჭერის საჭიროების მქონე ადამიანსა და ოჯახთან ურთიერთობა. მაგალითად, მექსიკასა და ევროპაში, ოჯახში, რომელშიც ოთხიდან ხუთამდე ადამიანი ცხოვრობს, ბედნიერება სუფევს.
ქვეყნების რეიტინგი ეყრდნობა ხალხის გამოკითხვას.
როგორც კვლევამ აჩვენა, საზოგადოების კეთილგანწყობასაც დიდი მნიშვნელობა აქვს, რომ ადამიანმა ბედნიერად ჩათვალოს თავი.
