„ქუთაისი 2010-მა” ევროტურნირზე გამოსვლა გამარჯვებით დაასრულა.
საქართველოს ჩემპიონმა ბულგარული „ბალკანი” ანგარიშით 93:92 ოვერტაიმში დაამარცხა და ჯგუფში მესამე ადგილზე გავიდა.
დაძაბულ შეხვედრაში კოტე ტუღუშის გუნდს აკაკი დვალიშვილი წინამძღოლობდა, კაპიტნის ანგარიშზე 22 ქულა და 5 მოხსნაა, ელაია ჯოინერმა 21 ქულა ჩააგდო, მარქილ
სმიტმა 16. ორმაგი დუბლი შეასრულა გიორგი კორსანტიამ, ევროტურნირის ერთ-ერთი გამორჩეული მოთამაშის ანგარიშზე 18 ქულა და 11 მოხსნაა, ბექა ბექაურმა თამაში 11 ქულით დაასრულა.
„ქუთაისი 2010-მა” ევროტურნირზე პირველად იასპარეზა და გახდა მეორე ქართული გუნდი, რომელმაც FIBA ევროპის თასზე ითამაშა. წინა სეზონში ევროტურნირზე „თსუ” გამოდიოდა.
