პოლონეთის პარლამენტში მსჯელობენ, დაუშვან თუ არა კვირა დღეს ვაჭრობა.
2018 წლიდან პოლონეთში ვაჭრობასთან დაკავშირებული საქმიანობა კვირაობით აკრძალულია, თუმცა, ექსპერტების აზრით, მომხმარებელთა მოთხოვნით, ეს რეგულაცია უნდა გადაიხედოს.
2024 წლის დასაწყისში პარლამენტს წარედგინა კანონპროექტი, რომელიც ამსუბუქებდა ამ შეზღუდვებს. დასაქმებულებს თვის განმავლობაში მხოლოდ ორჯერ უნდა ემუშავათ კვირაობით. თუმცა მოვაჭრეები მოითხოვენ, რომ ყოველ კვირას ჰქონდეთ დასვენების შესაძლებლობა.
„მე მომხრე ვარ, რომ კვირაობით ვაჭრობა არ იყოს დაშვებული. თავს ნუ მოვიტყუებთ, თანამშრომლებს, რომლებიც ამ სფეროში არიან დასაქმებული, დასვენებისთვის დრო უნდა ჰქონდეთ და თუ კვირაობით ყველაფერი გაიხსნება, მაშინ ჩვენ ამის შესაძლებლობა არ გვექნება. მე დილის ოთხი საათიდან ვმუშაობ. მხოლოდ ერთი დღე ვისვენებ. თუმცა ზოგიერთ კვირა დღეს საქონლის მოსატანად მაინც მიწევს გასვლა“, – ამბობს ერთ-ერთი მეწარმე.
Dziś jako @PL_2050 złożyliśmy projekt ustawy przywracającej handel w dwie niedziele (pierwszą i trzecią) w miesiącu.
Ułatwi ona życie klientom, zwiekszy aktywność gospodarczą, jednocześnie zadba o pracowników. pic.twitter.com/TwBmaUne0I
— Ryszard Petru (@RyszardPetru) March 21, 2024
ზოგიერთი კანონპროექტი კვირაობით სამუშაო საათების შემცირებასა და ანაზღაურების გაორმაგებას ითვალისწინებს. პოლონეთის ვაჭრობისა და მომსახურების სფეროში დამსაქმებელთა ასოციაციაში ამბობენ, რომ კვირაობით დაწესებულების სამუშაო საათები უნდა შემცირდეს. საზოგადოება იმასაც განიხილავს, რომ დასაქმებულებმა კვირის რომელიმე სხვა დღეს დაისვენონ.
