ჩრდილოეთ პოლონეთის ქალაქ გდანსკში, კერძოდ, ვესტერპლატეში მეორე მსოფლიო ომის დაწყების 85-ე წლისთავი აღნიშნეს. ვეტერანებმა, სამხედროებმა, პოლიტიკოსებმა და დელეგაციებმა მთელი პოლონეთის მასშტაბით მონაწილეობა მიიღეს ღონისძიებაში იმ ადგილას, სადაც რამდენიმე ათეული წლის წინ ომი დაიწყო.
კონფლიქტის შედეგად თითქმის 6 მილიონი ებრაელი დაიღუპა და ასევე 50 მილიონამდე ადამიანი მთელი მსოფლიოს მასშტაბით. პოლონეთის ამჟამინდელი მთავრობა დონალდ ტუსკის ხელმძღვანელობით გერმანიას მოუწოდებს, გადაიხადოს ფინანსური კომპენსაცია იმ ზარალისთვის, რომელიც ნაცისტურმა ჯარებმა გამოიწვიეს.
პოლონური მედიის ინფორმაციით, ქვეყნებს შორის მიმდინარეობს დისკუსიები მეორე მსოფლიო ომში გადარჩენილთა ფინანსური კომპენსაციის შესახებ. გამართულ ღონისძიებაზე სიტყვით გამოსვლისას ტუსკმა მსოფლიო ომის შედეგებზე ისაუბრა და პარალელები გაავლო მეზობელ უკრაინაში მიმდინარე ომთან.
