ღაზაში „ჰამასის“ წინააღმდეგ ისრაელის ომის ფონზე, ისრაელსა და ჰეზბოლას სამხედრო დაჯგუფებას შორის 10 თვეზე მეტია თითქმის ყოველდღიური შეტაკებები ხდება.
ოთხშაბათს, ისრაელის სამხედროებმა გაავრცელეს კადრები, რომლებშიც ასახულია ისრაელის საჰაერო თავდასხმები ჰეზბოლას სამხედრო იარაღის საწყობებზე ლიბანში.
ისრაელის თავდაცვის ძალებმა განაცხადეს, რომ გამანადგურებელმა თვითმფრინავებმა ღამით დაარტყეს „ჰეზბოლას“ იარაღის საწყობებს ლიბანის ბექაას პროვინციაში. თავდასხმის შედეგად 1 ადამიანი დაიღუპა, ხოლო 19 დაიჭრა.
🚨Hezbollah continues to indiscriminately fire projectiles toward Israel.
Just now, approx. 50 projectiles were fired and some fell in the town of Katzrin. pic.twitter.com/WC0W6MiOl2
— Israel Defense Forces (@IDF) August 21, 2024
პარალელურად „ჰეზბოლამ“ 50-ზე მეტი რაკეტა გაუშვა გოლანის მაღლობების მიმართულებით. თავდასხმის შედეგად რამდენიმე საცხოვრებელი სახლი განადგურდა.
ერთი სახლი მთლიანად დაიწვა ხანძარში, თქვა სასწრაფო სამედიცინო დახმარებამ, რომელიც შემთხვევის ადგილზე იყო მისული.
„დღეს დილის საათებში სირენების ხმა გაისმა კაცრინის დასახლებაში, რამდენიმე სახლს პირდაპირი დაზიანებები აღმოვაჩინეთ. საბედნიეროდ დიდი მსხვერპლი არ ყოფილა. 30 წლის მამაკაცია დაშავებული, თუმცა მისი მდგომარეობა სტაბილურია. რამდენიმე ადამიანს შფოთვის გამო ადგილზე მკურნალობდნენ“, – ორენ ავიტანი Magen David Adom-ის რეგიონული დირექტორი.
