საბერძნეთში, სოფელ ვარნავაში, რომელიც დედაქალაქ ათენიდან 35 კილომეტრში მდებარეობს ტყის ხანძარი მძვინვარებდა.
მოსახლეობა დროულად გაიყვანეს ტერიტორიიდან. ხანძრის ჩაქრობას საგანგებო სამსახურის თანამშრომლები 12 თვითმფრინავითა და 6 ვერტმფრენით ცდილობდნენ. ადგილზე 250 მეხანძრე ასობით მოხალისესთან ერთად მუშაობდა. ადგილზე მობილიზებული იყო 67 სახანძრო მანქანაც.
გავრცელდა ინფორმაცია, რომ ტყის ხანძარი გაჩნდა ათენის დასავლეთით, ქალაქ მეგარასთანაც.
