ევროპარლამენტის არჩევნების შემდეგ ევროკავშირის ლიდერები უნდა შეთანხმდნენ, ვინ უხელმძღვანელებს ევროკომისიას, ევროსაბჭოსა თუ ევროპარლამენტს. მათ ასევე უნდა გადაწყვიტონ, ვინ იქნება საგარეო პოლიტიკის დეპარტამენტის მომავალი ხელმძღვანელი.
ურსულა ფონ დერ ლაიენს, რომლის „ევროპის სახალხო პარტიამ“ (EPP) ევროპარლამენტის არჩევნებში გაიმარჯვა, სურს, მეორე ვადით გააგრძელოს ევროკომისიის ხელმძღვანელობა. იგი თანამოაზრეებთან ერთად ევროპარლამენტში ლიბერალური უმრავლესობის ფორმირებას შეეცდება.
ვინ რომელ თანამდებობას დაიკავებს, 27 წევრი სახელმწიფოს მეთაურები და მთავრობები 17 და 27 ივნისისთვის დაგეგმილ სამიტზე გადაწყვეტენ. მოლაპარაკებები დახურულ კარს მიღმა გაიმართება.
ევროპარლამენტი ევროკომისიის პრეზიდენტის არჩევის მიზნით მოლაპარაკებებს იწყებს
ტრადიციის თანახმად, ევროკომისიის პრეზიდენტი შეირჩევა იმ პოლიტიკური ჯგუფიდან, რომელმაც ყველაზე მეტი მანდატი მოიპოვა ევროპარლამენტის არჩევნებში. შესაბამისად, მოსალოდნელია, რომ ურსულა ფონ დერ ლაიენს მეორე ვადით აირჩევენ.
იმ შემთხვევაში თუ ურსულა ფონ დერ ლაიენი კვლავ ევროკომისიის პრეზიდენტი იქნება, EPP-ის პარტიის სხვა წარმომადგენელს გაუჭირდება დარჩენილი თანამდებობებიდან რომელიმეს დაკავება.
თუმცა მემარჯვენეების წარმატებებმა შეიძლება შეცვალოს ძალთა ბალანსი ევროპარლამენტში.
გარდა ამისა, მემარჯვენეთა წარმომადგენლებს შეეძლებათ, იბრძოლონ ევროკავშირში, მათ შორის, ევროკომისიაში ხელმძღვანელი თანამდებობების მოსაპოვებლად.
ევროპარლამენტის არჩევნებში ხმის მიცემის უფლება ჰქონდა დაახლოებით 360 მილიონ ადამიანს. მათ 720 დეპუტატი აირჩიეს ევროპარლამენტში.
