საქართველოს ფეხბურთელთა ნაკრებს ევროპის ჩემპიონატამდე მხოლოდ ერთი მოგება აშორებს. საკვალიფიკაციო ეტაპის ნახევარფინალურ მატჩში ვილი სანიოლის გუნდმა ლუქსემბურგი 2:0 დაამარცხა.
მიღებული ყვითელი ბარათების გამო ნაკრებს ხვიჩა კვარაცხელია ვერ დაეხმარა, თუმცა გოლების გატანა საკუთარ თავზე ბუდუ ზივზივაძემ აიღო. “კარლსრუესა” და საქართველოს ნაკრების ფორვარდმა “დინამო არენაზე” დუბლი შეასრულა.
ფინალურ მატჩში საქართველოს მეტოქე საბერძნეთის ნაკრები იქნება, რომელმაც ყაზახეთი 5:0 დაამარცხა.
გადამწყვეტი მატჩი კვლავ “დინამო არენაზე”, 26 მარტს გაიმართება.
