ევროკომისიის პრეზიდენტი ურსულა ფონ დერ ლაიენი ეგვიპტის პრეზიდენტ აბდულ ფათაჰ ალ-სისის შეხვდა.
შეხვედრას წინ უძღოდა ევროკავშირ-ეგვიპტის ურთიერთობების შესახებ ახალი შეთანხმების ხელმოწერა, რომელიც 7 მილიარდ 400 მილიონი ევროს ფინანსურ პაკეტს მოიცავს.
პარტნიორობის შეთანხმების გარდა, განხილული იყო ღაზაში მიმდინარე კონფლიქტი და რეგიონში ლტოლვილთა კრიზისის საკითხებიც.
To reinforce this strategic partnership, the EU is tabling a significant financial and investment support package worth €7.4 billion over the next four years ↓ https://t.co/pXOVyZe6g5
— Ursula von der Leyen (@vonderleyen) March 17, 2024
ხელმოწერის ცერემონიაზე დასასწრებად კაიროში ჩავიდნენ ბელგიის, იტალიის, საბერძნეთის პრემიერ-მინისტრები და ავსტრიის კანცლერი.
,,ევროკავშირისა და ეგვიპტის პარტნიორობას გადამწყვეტი მნიშვნელობა აქვს. დღეს 6 ევროპელი ლიდერის აქ ყოფნა გვიჩვენებს, რამდენად ვაფასებთ ჩვენს ურთიერთობას. ჩვენ ვიზიარებთ სტრატეგიულ ინტერესს: სტაბილურობასა და კეთილდღეობას“, – გააცხადა ევროკომისიის პრეზიდენტმა ურსულა ფონ დერ ლაიენმა.
ევროკავშირის მისიის დოკუმენტის მიხედვით, დახმარების პაკეტი მოიცავს მომდევნო სამი წლის განმავლობაში გრანტებისა და სესხის გაცემას არაბული სამყაროს ყველაზე მჭიდროდ დასახლებული ქვეყნისთვის. თანხის დიდი ნაწილი – 5 მილიარდი ევრო მაკროფინანსურ დახმარებას ითვალისწინებს.
