უნგრეთის პრემიერ-მინისტრი ვიქტორ ორბანი საბოლოოდ აღარ შეეწინააღმდეგა უკრაინის ევროკავშირში გაწევრებასთან დაკავშირებით მოლაპარაკებების დაწყებას, თუმცა მან გამოიყენა ვეტოს უფლება და დაბლოკა ევროკავშირის მიერ გამოყოფილი 50 მილიარდი დოლარის ოდენობის ფინანსური პაკეტი, რომელიც უკრაინის დახმარებასაც ითვალისწინებდა.
ევროპული საბჭოს წევრები გვიან ღამემდე მსჯელობდნენ, თუმცა ვერ მოახერხეს უნგრეთის ლიდერის გადარწმუნება.
ევროპული საბჭოს პრეზიდენტი შარლ მიშელი ამბობს, რომ მათ აქვთ შესაბამისი ინსტრუმენტები, რომლებითაც უზრუნველყოფენ მათდამი ნდობას. მისი თქმით, უკრაინელებს ევროკავშირის იმედი უნდა ჰქონდეთ.
The European Council has decided to open accession negotiations with Ukraine & Moldova. #EUCO granted candidate status to Georgia. And the EU will open negotiations with Bosnia and Herzegovina once the necessary degree of compliance with the membership criteria is reached and…
— Charles Michel (@CharlesMichel) December 14, 2023
ვოლოდიმირ ზელენსკიმ ცოტა ხნით ადრე განაცხადა, რომ ეს დღე უკრაინისა და სრულიად ევროპისთვის გამარჯვების მომტანი იქნებოდა
Right now in Ukraine, a lot of us are feeling really uplifted, and it’s a big deal – it keeps us going. I want to say a huge thank you – to each of you for everything we’ve managed to accomplish! To all those who strengthen Europe by the unity of Ukraine. A special gratitude to… pic.twitter.com/uCnqU5Y5Le
— Volodymyr Zelenskyy / Володимир Зеленський (@ZelenskyyUa) December 15, 2023
ზელენსკიმ მიულოცა თავის თანამემამულეებს და აღნიშნა, რომ ჯერ კიდევ ბევრი სამუშაოა ჩასატარებელი, რადგან სახელმწიფოს, მისი ინსტიტუტებისა და ნორმების ინტეგრირება ევროკავშირში რთული და დიდი საქმეა, თუმცა ისინი ამას შეძლებენ.
უკრაინამ არაერთხელ დაამტკიცა, რისი გამკეთებელია. უკრაინის პრეზიდენტს იმედი აქვს, რომ ერთ დღეს უკრაინელები ევროკავშირში გაწევრებასაც იზეიმებენ.
როგორც ნიდერლანდების პრემიერი აცხადებს, უკრაინის დახმარებასთან დაკავშირებით დისკუსიები იანვარში განახლდება. მანამდე კი, მისი თქმით, უკრაინას საკმარისი დაფინანსება აქვს. დღეს საბჭოში მიგრაციის, ახლო აღმოსავლეთისა და ქსენოფობიის შესახებ იმსჯელებენ.
