საქართველოს ჩემპიონატის ფინალური დაპირისპირება წყალბურთში თბილისის ,,თბილისსა” და ,,დინამო თბილისს” შორის 30 მაისს ოლიმპიკის აუზზე გაიმართა.
მატჩი 22:5 დასრულდა ,,დინამოს” გამარჯვებით. საუკეთესო შედეგი ,,დინამოს” წყალბურთელმა ანდრეა ვლაჰოვიჩმა დააფიქსირა, რომელმაც 8 ბურთი გაიტანა.
ეს ორი გუნდი წინა სეზონის ფინალშიც დაუპირისპირდა ერთმანეთს, სადაც დინამომ 18:15 გაიმარჯვა და შეძლო ტიტულის შენარჩუნება.
იმავე დღეს გაიმართა მატჩი მესამე ადგილისთვის ბრძოლაში, სადაც ,,სპორტმენეჯმენტმა” ,,არენა” 18:16 დაამარცხა.
აღსანიშნავია, რომ დინამო თბილისი ერთადერთი ქართული წყალბურთის გუნდია, რომელიც ზედიზედ მე-3 წელია ჩემპიონთა ლიგაზე ასპარეზობს. მათ რამდენიმე დღის წინ გამართეს სეზონის ბოლო შეხვედრა ,,ბარსელონეტასთან“ და ამ მატჩით დაასრულეს წლევანდელი სეზონი.
