მსოფლიოს ნომერ პირველ ჩოგანს, ნოვაკ ჯოკოვიჩს ავსტრალიაში ვიზა მეორედ გაუუქმეს. გადაწყვეტილება ავსტრალიის იმიგრაციის მინისტრმა, ალექს ჰოუკმა მიიღო. სერბ ჩოგბურთელს დეპორტაცია და 3 წლის განმავლობაში ავსტრალიაში შესვლის აკრძალვა ემუქრება. სპორტსმენის ადვოკატები გადაწყვეტილებას გაასაჩივრებენ.
ავსტრალიის ღია პირველობა 17 იანვარს იწყება. ჯოკოვიჩი ავსტრალიაში 21-ე გრანდ სლემის ტიტულის მოსაგებად ჩავიდა, თუმცა არავაქცინირებული ათლეტი სასაზღვრო პოლიციამ ქვეყანაში არ შეუშვა.
