ჩემპიონთა ლიგის მერვედფინალური ეტაპის განმეორებითი წილისყრა

გამოქვეყნებულია: 14.12.2021, 13:41

ჩემპიონთა ლიგის მერვედფინალური ეტაპის წილისყრა მეორედ ჩატარდა. პირველი წილისყრის შედეგების გაუქმების მიზეზი ორი შეცდომაა, რომელიც პროცედურის დროს მოხდა.

რუსმა ფეხბურთელმა ანდრეი არშავინმა, რომელიც კალათებიდან ბურთულებს იღებდა, “ვილიარეალს” “მანჩესტერ იუნაიტედი” დაუპირისპირა. ეს წყვილი არ შეიძლებოდა, შემდარიყო, რადგან გუნდები ჯგუფშიც ერთად იყვნენ. როგორც გაირკვა, კალათში შეცდომით მოათავსეს “იუნაიტედის ბურთულა. მიუხედავად იმისა, რომ ამის შანსი 1:8 იყო, არშავინმა ვილიარეალთან სწორედ იუნაიტედი ამოიღო. წილისყრის ხელმძღვანელმა ჯორჯო მარკეტიმ შეცდომა მაშინვე შენიშნა და რუს ფეხბურთელს სხვა ბურთულა ამოაღებინა – “მანჩესტერ სიტი”. მოგვიანებით კი უფრო უარესი შეცდომა მოხდა: “ატლეტიკოს” მეტოქის ამოღებისას, პოტენციური მეტოქეების კალათში “მანჩესტერ იუნაიტედის” ბურთულა არ იყო მოთავსებული, “ატლეტიკოს” კი “ბაიერნი” შეხვდა…

განმეორებითი წილისყრის შედეგად მერვედფინალში ერთმანეთს შემდეგი წყვილები დაუპირისპირდებიან:

ზალცბურგი – ბაიერნ მიუნხენი

სპორტინგი – მანჩესტერ სიტი

ბენფიკა – აიაქსი

ჩელსი – ლილი

ატლეტიკო მადრიდი – მანჩესტერ იუნაიტედი

ვილიარეალი – იუვენტუსი

ინტერი – ლივერპული

პარი სენ-ჟერმენი – რეალ მადრიდი

ჩემპიონთა ლიგის პლეიოფი 16 თებერვალს დაიწყება.

დაკავშირებული ამბები

მასპინძელი კანადის ნაკრები მერვედფინალშია F ჯგუფიდან პლეი ოფში ნიდერლანდების, იაპონიისა და შვედეთის ნაკრებები გავიდნენ

პოპულარული