კატალონიის “ბარსელონამ” ესპანეთის ლა ლიგაში ზედიზედ ორი ფრედ დასრულებული მატჩის შემდეგ გამარჯვება მოიპოვა. რონალდ კუმანის გუნდმა “ლევანტეს” 3:0 სძლია.
პირველი ორი გოლი მემფის დეპაისა და ლუუკ დე იონგის ანგარიშზეა. მატჩს წერტილი “ბარსელონას” ახალმა ათიანმა, ანსუ ფატიმ დაუსვა, რომელიც მინდორს 10-თვიანი პაუზის შემდეგ დაუბრუნდა.
ესპანეთის ჩემპიონატში 12 ქულით “ბარსელონა” მეექვსე ადგილს იკავებს, “ლევანტეს” კი 4 ქულა აქვს და მეჩვიდმეტე ადგილზეა.
