ინგლისის ნაკრების ფოვარდი, ჰარი კეინი “ტოტენჰემში” დარჩება. 28 წლის შემტევის ტრანსფერზე “მანჩესტერ სიტი” მუშაობდა, თუმცა კეინს ლონდონურ კლუბთან კონტრაქტი 2024 წლამდე აკავშირებს და “ტოტენჰემს” მისი გაშვება არ სურს.
კეინმა განაცხადა, რომ “ტოტენჰემში” ამ ზაფხულს დარჩება და გუნდს წარმატების მიღწევაში დაეხმარება.
ინგლისის პრემიერ ლიგის გასულ სეზონში კეინმა 23 გოლი და 14 შედეგიანი გადაცემა გაიფორმა. წელს “ტოტენჰემს” ახალი მწვრთნელი ჰყავს, “დეზებს” ნუნო ესპირიტუ სანტუ ხელმძღვანელობს.
