თბილისის სახელმწიფო უნივერსიტეტის დაარსებიდან 103 წელი გავიდა. საიუბილეო თარიღთან დაკავშირებით უნივერსიტეტში ქვეყნის პრემიერი და განათლების მინისტრი მივიდნენ. პრემიერ-მინისტრმა სტუდენტებსა და პროფესორ-მასწავლებლებს უნივერსიტეტის დაარსების 103 წლისთავი მიულოცა და უნივერსიტეტის დამაარსებლის ივანე ჯავახიშვილისა და პირველი რექტორის პეტრე მელიქიშვილის ხსოვნას პატივი მიაგო და უნივერსიტეტის მეორე კორპუსში მიმდინარე სარებილიტაციო სამუშაოები დაათვალიერა.
