ვოლოდიმირ ზელენსკი აცხადებს, რომ უკრაინის დელეგაციის წარმომადგენლები – ეროვნული უშიშროებისა და თავდაცვის საბჭოს მდივანი, რუსტემ უმრეოვი და გენერალური შტაბის უფროსი, ანდრეი გნატოვი ამერიკის შეერთებულ შტატებში პრეზიდენტის საგანგებო წარმომადგენლებთან განხილვების შემდეგ ევროპაში ბრუნდებიან.
„მათგან დეტალურ ინფორმაციას ველი ყველაფერზე, რაც ამერიკის წარმომადგენლებს მოსკოვში უთხრეს იმ ნიუანსების შესახებ, რომელთა შესაცვლელადაც ამერიკელები მზად არიან“, – განაცხადა ვოლოდიმირ ზელენსკიმ ვიდეომიმართვაში, რომელიც სოციალურ ქსელში გამოაქვეყნა.
I’ve just had a long and substantive phone call with @SteveWitkoff and @jaredkushner, alongside Andrii Hnatov and @rustem_umerov. I am grateful for a very focused, constructive discussion.
We covered many aspects and went through key points that could ensure an end to the… pic.twitter.com/ZOVhJZJRbW
— Volodymyr Zelenskyy / Володимир Зеленський (@ZelenskyyUa) December 6, 2025
რუსტემ უმრეოვისა და ანდრეი გნატოვის შეხვედრები ამერიკის შეერთებული შტატების პრეზიდენტის წარმომადგენლებთან, სტივენ უიტკოფსა და ჯარედ კუშნერთან მაიამიში 4, 5 და 6 დეკემბერს გაიმართა.
6 დეკემბერს ვოლოდიმირ ზელენსკი დონალდ ტრამპის წარმომადგენლებს ტელეფონით ესაუბრა. მისი შეფასებით, საუბარი „კონსტრუქციული, თუმცა არც ისე მარტივი იყო“.
ვოლოდიმირ ზელენსკიმ ისიც თქვა, რომ უკრაინისთვის ახალი დიპლომატიური კვირა იწყება. მისივე განმარტებით, მიმდინარე კონსულტაციები გაიმართება ევროპელ ლიდერებთან. იგეგმება უსაფრთხოების საკითხების განხილვა.
„განხილვის საგანი იქნება ჩვენი მდგრადობის მხარდაჭერა და თავდაცვისთვის მხარდაჭერის პაკეტები – პირველ რიგში, ჰაერის თავდაცვასა და უკრაინის გრძელვადიანი დაფინანსება. რა თქმა უნდა, განვიხილავთ საერთო ხედვასა და ერეთიან პოზიციებს მოლაპარაკებებში. ბოლო დღეებში უკრაინის წარმომადგენლებმა არსებითი დისკუსიები გამართეს ამერიკის შეერთებული შტატების პრეზიდენტის საგანგებო წარმომადგენლებთა“, – განაცხადა უკრაინის პრეზიდენტმა.
ვოლოდიმირ ზელენსკის ცნობით, ეროვნული უშიშროებისა და თავდაცვის საბჭოს მდივანი რუსტემ უმეროვი და გენერალური შტაბის უფროსი ანდრეი გნატოვი უკვე მიემართებიან ევროპისკენ.
