ამერიკის შეერთებული შტატების მიერ „ნარკოტერორისტების“ წინააღმდეგ გამოცხადებული სამხედრო ოპერაციის ფონზე, პრეზიდენტი დონალდ ტრამპი აცხადებს, რომ შეერთებულმა შტატებმა შესაძლოა მოლაპარაკებები დაიწყოს ვენესუელის პრეზიდენტ ნიკოლას მადუროსთან.
დონალდ ტრამპს არ დაუკონკრეტებია, რას შეეხება მოლაპარაკებები, თუმცა თქვა, რომ „ვენესუელას საუბარი სურს“. სავარაუდო მოლაპარაკებებს წინ დონალდ ტრამპის ადმინისტრაციის სამხედრო დარტყმების სერია უძღოდა, ნარკოტრანზიტში ეჭვმიტანილ გემებზე.
„ყველასთან ვილაპარაკებ. ვნახოთ, რა მოხდება“, – განაცხადა დონალდ ტრამპმა. საპასუხო განცხადება ამ დრომდე არ გაუკეთებია ვენესუელის პრეზიდენტ ნიკოლას მადუროს.
