სირიის პრეზიდენტი აჰმად ალ-შარაა ოფიციალური ვიზიტით ამერიკის შეერთებულ შტატებში იმყოფება, სადაც ის დღეს, 10 ნოემბერს პრეზიდენტ დონალდ ტრამპს შეხვება.
აჰმად ალ-შარაას წინააღმდეგ ამერიკისა და გაეროს მიერ დაწესებული სანქციები უკვე მოხსნილია და სწორედ ამის შემდეგ შეძლო მან შტატებში ოფიციალური ვიზიტით ჩასვლა.
აჰმედ ალ-შარაა გაერო-ს სანქციები დაწესებული ჰქონდა როგორც ისლამისტური დაჯგუფების, „ჰაიათ თაჰრირ ალ-შამის“ ლიდერს. აშშ-მა „ჰაიათ თაჰრირ ალ-შამი“ უცხოური ტერორისტული დაჯგუფებების სიიდან მიმდინარე წლის ივლისში ამოიღო.
აჰმედ ალ-შარაა სირიის გარდამავალი მთავრობის პრეზიდენტად მას შემდეგ დაინიშნა, რაც 2024 წლის დეკემბერში ამბოხებულთა შეტევას ხელმძღვანელობდა, რის შედეგადაც ბაშარ ალ-ასადის რეჟიმი დაამხეს. 1946 წლის შემდეგ ის სირიის პირველი პრეზიდენტი იქნება, რომელიც ვაშინგტონს ეწვია.
