გვიან ღამით უკრაინის შავი ზღვის სანაპიროზე, ოდესის რეგიონში რუსული დრონით მიტანილი იერიშის შედეგად, ორი ადამიანი დაიღუპა და სამი დაიჭრა.
ამასთან, ათიათასობით აბონენტი ელექტროენერგიის გარეშე დარჩა მას შემდეგ, რაც რუსეთმა დრონებითა და რაკეტებით ფრონტის ხაზზე მდებარე ზაპოროჟიეს რეგიონს შეუტია.
Almost every night, Russia strikes our people with various types of weapons. Since yesterday’s evening, there have been attacks on our communities – strikes on the Dnipro, Zaporizhzhia, Kharkiv, Chernihiv, and Odesa regions. Unfortunately, there are killed and wounded. My… pic.twitter.com/0Hy6pbEqj1
— Volodymyr Zelenskyy / Володимир Зеленський (@ZelenskyyUa) November 2, 2025
რეგიონის გუბერნატორმა, ივან ფედოროვმა, განაცხადა, რომ თითქმის 60 000 ადამიანს ელექტროენერგია აღარ მიეწოდება, ხოლო თავდასხმების შედეგად ორი ადამიანი დაიჭრა.
უკრაინის ეროვნული ენერგოოპერატორი კომპანიის, „უკრენერგოს“ ცნობით, უკრაინის ელექტროქსელზე თავდასხმების შედეგად, კვირას რამდენიმე რეგიონს ელექტროენერგიის მიწოდება შეეზღუდა.
ეს იერიშები ზამთრის მოახლოების ფონზე, რუსეთის მიერ უკრაინის ენერგეტიკული ინფრასტრუქტურის წინააღმდეგ მიმართული ხანგრძლივი კამპანიის უახლესი ეტაპია.
