ტრამპის ადმინისტრაციამ გამოაცხადა, რომ 2026 წელს შეერთებული შტატები მხოლოდ 7,500 ლტოლვილს მიიღებს – ეს რადიკალური შემცირებაა წინა წლის 125,000-იან ლიმიტთან შედარებით, რომელიც ბაიდენის ადმინისტრაციამ დააწესა.
ახალ პოლიტიკაში ტრამპის ადმინისტრაციის ცნობით, პრიორიტეტი თეთრკანიან სამხრეთ აფრიკელ ფერმერებს ენიჭებათ, რაც ადმინისტრაციის მტკიცებით, „ჰუმანიტარულ და ეროვნულ ინტერესებს“ ემსახურება.
ტრამპმა ლტოლვილთა პროგრამა პრეზიდენტობის პირველივე დღეს შეაჩერა, რის შემდეგაც ქვეყანაში მხოლოდ მცირე რაოდენობის ლტოლვილები შევიდნენ – ძირითადად სწორედ სამხრეთ აფრიკიდან.
დასავლელი ექსპერტები და უფლებადამცველი ორგანიზაციები მკაცრად აკრიტიკებენ გადაწყვეტილებას როგორც ჰუმანიტარული პროგრამის პოლიტიზებასა და დისკრიმინაციულ ნაბიჯს.
ადამიანის უფლებების დამცველმა ჯგუფებმა ეს ნაბიჯი აშშ-ის საგარეო პოლიტიკის „ახალ დაბალ ნიშნულად“ შეაფასეს და თქვეს, რომ იგი კიდევ უფრო გააუარესებს ლტოლვილთა გლობალურ კრიზისს.
